الشاعرة منه يحيى تكتب/ عافر هتعيش

كتبت/ منة يحيى

اخرج من عالم في محيطهم
عافر هتعيش كاسر قيدهم
الزكري خلاص ماتت يومها
مع كلمة إنك مش منهم
متبصش جوه التواريخ
وان يوم مريت صدفه قصادهم
اعمل مش فاكر دنيتهم
وبقلبك حسبن ع الزكرى
وافتكر الباقي ليك بكره
وانك بالوقت اكيد تنسى
وتعيش زي عيشتهم واحسن
نسينك لكن فاكرينك
صدقني موجود منك فيهم
لو حتي عايشين مع غيرك
في الحلم ليلاتي بتجيهم
كمل في طريقك واتمني
ميكونش في جيوب الدنيا
لسه لك صدفه وهتشوفهم
واياك تنسي في يوم كلمتهم
انك مش حاجه في دنيتهم
عيش غالي بأصلك رخصهم
ومسير الدنيا دي هتدوسهم
وهتاخد حقك ببساطه
وهتشرب قهوتهم ساده