“بلد النضال”..بقلم الشاعر أسامة عبد العزيز

received_1261029550606634

بقلم الشاعر أسامة عبد العزيز

“بلد النضال”
مفيش اغلى منك ..
يا غاليه يا بورسعيد
مجرد انى منك
سبب انى اكون سعيد
ولو النهارده عيدك
ده يبقى أجمل عيد
فلتحيا بورسعيد تحيا بورسعيد
تحيا بورسعيد
تسلم البطن اللي جابت
اي حد ف بورسعيد
بورسعيد بلد المعارك
بلد البطوله بلد الشهيد
مهما اقول عنك يا بلدي
مش هاقول كلام جديد
انتي اغلى حاجه عندي
انتي وطني يابورسعيد
بلد البطوله ورجالتها
كانوا اقوى من الحديد
والحريم شوف مرجلتها
لما ضرب النار يزيد
بعدو اي شر عنك
قطعو ليهم اي ايد
جت تخونك أو تضرك
كانو ذو عزم شديد
بلدي زي الصخره واقفه
العناد فيها يزيد
لما جيش اي دوله
فكر يحط في بورسعيد
بطياراته وبالقنابل
دوبو فيكي الحديد
وانتي واقفه رافعه رأسك
تكتبي تاريخ مجيد
كل لحظه كانت تعدي
تنعي فيها كام شهيد
دمه يكتب ف التاريخ
عن بطولة بورسعيد
عدوان ثلاثي جاي يحاربك
بالجيوش والاساطيل
ضربوا فيكي بطيارتهم
والغارات كان كل ليل
فكرو راح يكسروكي
فكروا شعبك ذليل
شافوا كل الذل فيكي
قاسو كل عذاب وويل
داب البيوت والطوب
ساح الحديد من النار
كتب التاريخ بحروب
الشعب ده احرار
لا يوم يخاف من الموت
ولا اي جيش جرار
دافعين دماهم تمن
ورخيص لشبر رمال
من أرض أعظم وطن
كان قبلة الاحرار
#اسامة_عبدالعزيز